- 1.
- Tandernaken, al op den Rijn,
- daer vant ic twee maechdekens spelen gaen;
- die eene dochte mi, aen haer aenschyn,
- haer ooghen waren met tranen ombevaen:
- 'nu segt mi, lieve ghespele goet,
- hoe sweert u herte, hoe truert uwen moet,
- waer om ist, dat woudys mi maken vroet?'
- -'Ic en cans u niet gesagen;
- tis die moeder diet mi doet,
- si wil mijn boel veriagen, veriagen.'
- 1.
- In Andernach on the Rhine
- I saw two girls amusing themselves.
- One of them pleased me with her appearance.
- Her eyes were full of tears.
- "Now tell me, dear girlfriend,
- why laments your heart, why is your spirit so pained,
- why is that, can you explain it to me?"
- "I can't tell you ...
- It is my mother who has done this to me.
- She wants to chase off my sweetheart."
- 2.
- -'Och lieve ghespele, daer en leyt niet an,
- den mey die sal noch bloeyen;
- so wie zijn liefken niet spreken en can,
- die minne mach hem niet vermoeyen.'
- -'Och, lieve ghespeelken, dats quaet sanck,
- den mey te verbeyden valt mi te lanc;
- het soude mi maken van sinnen also cranc,
- ic soude van rouwe sterven.
- Ic en weets mijnder moeder geenen danc,
- si wil mijn boel verderven, verderven.'
- 3.
- - 'Och, lieve ghespele, daer en leyt niet an,
- nu schict u herteken al in vreden.'
- - 'Mijn moeder plach te spinnen, des en doet si niet,
- den tijt en is niet lange gheleden;
- nu schelt si mi hier, nu vloect si mi daer,
- mijn boelken en dorf niet comen naer,
- daer om is mijn herteken dus swaer;
- ist wonder dat ic truere?
- ende ic en mach niet gaen van haer,
- ter veynster, noch ter duere, noch ter duere.'
- 4.
- - 'Och, lieve ghespele, dat waer wel quaet,
- wilt sulker tale begheven,
- hadde ic ghedaen mijns moeders raet,
- ic waer wel maecht ghebleven.
- Nu hebbe ic sinen wille ghedaen,
- mijn buycxken is mi opghegaen,
- ende nu so is hi mi ontgaen
- ende gaet elwaerts spelen.
- Des moet ic laten so menighen traen,
- ic en cans u niet gehelen, gehelen.'
- 5.
- - 'Ghespele, wel lieve ghespele goet,
- en sidy dan gheen maecht?'
- - 'Och neen ic, lieve ghespele goet,
- ende dat si ons heer God gheclaecht.'
- - 'God danck, dat ic noch maghet si;
- spiegelt u, lieve gespeelken, aen mi
- ende wacht u, oft ghi en zijt niet vrij,
- ten sal u niet berouwen;
- coemt hem nemmermeer niet na bi
- oft ghi wort gheloont met trouwen, met trouwen.'
- 6.
- - 'Ghespele, hi seyt dat hi mi mint.'
- - 'Dis minne plach mi te lieghen;
- en ghelooft die clappaerts niet en twint,
- si staen al na bedrieghen.'
- Doen loech si nen groten schach;
- dat was die maghet die op mi sach.
- Ic boot haer minnelic goeden dach,
- ic groetese hoghelike.
- God gheve dat icse vinden mach
- bi mi, in hemelrijcke, in hemelrijcke!
|