Sarnia Cherie - Guernesiais Version

Guernesiais Version

A version in Guernesiais (Guernsey-French), Guernsey's own langue d'oïl (Norman variant), has also been made:

Sarnia, chière patrie, bijou d'la maïr,

Ile plloinne dé biautai, dans d'iaoue si cllaire

Ta vouaix m'appeule terjous, mon tcheur plloin d'envie,

Et mon âme té crie en poine, mes iars voudraient t'veis.

Quaend j'saonge, j'té vaie derchier, mesme comme t'étais d'vànt,

Tes côtis si vaerts et ton sabllaon si bllànc,

Tes bànques et tes rotchets. Ah! Dé toutes la pus belle.

Mon réfuge et mon r'pos, chière île qu'est si belle.

Sarnia Chérie, ma chière patrie,

D'l'île dé ma nèissance, mon tcheur a envie

Ta vouaix m'appeule terjours,

Et j'pense à té chaque jour.

Ile plloinne dé biautai, Sarnia Chérie.

Sàns saver ta valeur, j'm'en fus en colère,

Je v'yagis si llian, à l'aute but dé la terre.

I m'dirent dé biaux pays, et j'm'en fus brâment

Oueque la terre baillait à haut d'l'or et dé l'argent.

Nous 'tait tous amis et i fit bal chaque jeur,

Mais ta vouaix m'applait terjours, a m'déteurtait l'tcheur.

Ch'est pourtchi qué j'm'en vians. Ah! té veis, la millaeure.

Ma chière île dé répos, dé chenna j'sis saeure.

Sarnia Chérie, ma chière patrie,

D'l'île dé ma nèissance, mon tcheur a envie

Ta vouaix m'appeule terjours,

Et j'pense à té chaque jour.

Ile plloinne dé biautai, Sarnia Chérie.