Latin Text
- Pange, lingua, gloriosi proelium certaminis
- et super crucis trophaeo dic triumphum nobilem,
- qualiter redemptor orbis immolatus vicerit.
- De parentis protoplasti fraude factor condolens,
- quando pomi noxialis morte morsu corruit,
- ipse lignum tunc notavit, damna ligni ut solveret.
- Hoc opus nostrae salutis ordo depoposcerat,
- multiformis perditoris arte ut artem falleret
- et medelam ferret inde, hostis unde laeserat.
- Quando venit ergo sacri plenitudo temporis,
- missus est ab arce patris natus orbis conditor
- atque ventre virginali carne factus prodiit.
- Vagit infans inter arta conditus praesaepia,
- membra pannis involuta virgo mater adligat,
- et pedes manusque crura stricta pingit fascia.
- Lustra sex qui iam peracta tempus implens corporis,
- se volente, natus ad hoc, passioni deditus,
- agnus in crucis levatur immolandus stipite.
- Hic acetum, fel, arundo, sputa, clavi, lancea;
- mite corpus perforatur; sanguis, unda profluit,
- terra pontus astra mundus quo lavantur flumine.
- Crux fidelis, inter omnes arbor una nobilis,
- nulla talem silva profert flore, fronde, germine,
- dulce lignum dulce clavo dulce pondus sustinens.
- Flecte ramos, arbor alta, tensa laxa viscera,
- et rigor lentescat ille quem dedit nativitas,
- ut superni membra regis mite tendas stipite.
- Sola digna tu fuisti ferre pretium saeculi
- atque portum praeparare nauta mundo naufrago,
- quem sacer cruor perunxit fusus agni corpore.
Read more about this topic: Pange Lingua Gloriosi Proelium Certaminis
Famous quotes containing the words latin and/or text:
“Not only does the world scarcely know who the Latin American man is, the world has barely cared.”
—Georgie Anne Geyer (b. 1935)
“Theres a great text in Galatians,
Once you trip on it, entails
Twenty-nine distinct damnations,
One sure, if another fails:”
—Robert Browning (18121889)